Taong
1986, nakamit ng Pilipinas ang Demokrasya kung saan malaya at may kapangyarihan
ang sambayanan upang maipahayag ang kanilang nais mungkahi. May kapangyarihan
din ang sambayanang Filipino na mamili kung sino ang gusto nilang maglingkod sa
buong Pilipinas.Ngunit sa
pagdaan ng panahon marami ng nangyari kung saan parang bumaliktad ang sitwasyon
kung saan ang pamahalaan na lang ang nasusunod at bihira na lamang mapakinggan
ang boses ng bawat Pilipino. Ano nga ba ang ating dapat gawin upang upang
maipagdating sa buong Pilipinas ang ating gusto iparating ng hindi gumagamit ng
dahas?
Sa darating na dalawang libo't labing anim na taon ay may napakalaking responsibilidad na darating sa buhay ng bawat Filipino. Isang desisyon na maaaring magkaroon ng malaking epekto sa ating lahat. Ito ang magpapasya kung ano ang magiging kapalaran nating mga Filipino sa hinaharap.
Ngayon malapit na ang halalan maraming mga kandidato ang mga nagpapalakas sa taong bayan. Ngunit sino ba sa kanila ang karapat-dapat na maging tagapamuno sa bansang Pilipinas? Yung sikat? O yung di sikat pero may nagawang mabubuting bagay sa ating bansa?
Bilang isang Filipino may karapatan tayong bumoto at responsibilidad natin bumoto. Ayon sa survey 74.34% na rehistradong Filipino lang ang mga bumoboto tuwing eleksyon. Ano na kaya ang nangyari sa natitirang porsyento?
Tayong mga Filipino ay kilala bilang laging nagrereklamo lalo na kapag ang usapan ay ang mga problema ng bansa at ang nagiging problema sa gobyerno. Reklamo dito, reklamo dito. Iyan ang laging bukang bibig ng mga Filipino, pero wala naman nagagawa laging hanggang reklamo lamang walng ginagawang aksyon.
Kaya sa tingin ko dapat lamang bumoto ang mga Filipinong nasa sapat na edad dahil responsibilidad nilang bumoto. Responsibilidad nilang maiparating ang boses ng bawat Filipino. Para maipahayag nila ang pagmamahal nila sa bansa. Kailangan bumoto ng mga Filipino dahil ito ang magiging daan tungo sa magandang pagbabago ng kinabukasan ng bawat Filipino.
